A party informática XGN R Encounter abre o 22 de agosto o prazo de inscricións dunha cita reforzada en conectividade e contidos
A Feira Internacional de Galicia ABANCA celebrará do 8 ao 10 de setembro a decimo sétima edición da party informática Xuventude Galicia Net (XGN), a cal adopta o nome de XGN R Encounter ao incorporarse a empresa R ao evento como patrocinadora oficial, ademais de colaboradora a nivel técnico e de contidos. Así, a entidade feiral, R e a Consellería de Política Social, impulsora do evento a través da Dirección Xeral de Xuventude, Participación e Voluntariado, únense nesta nova convocatoria.
